Aqtóbelik memqyzmetkerlerdiń 12%-y jumystan úıine ýaqtyly qaıtpaıdy
Saýalnamaǵa jaýap bergenderdiń 12%-y shamadan tys, ústeme jumys atqaratyndaryn aıtqan. Mysaly, memlekettik kirister departamentiniń qyzmetkerleri úılerine ýaqytynda qaıtpaıdy. Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti mamandarynyń aıtýynsha, onyń sebebi, óńirde memlekettik qyzmetkerlerdiń jetispeýinde. Búginde ár salada 200 mamannyń orny bos tur. Sondyqtan bir maman eki adamnyń qyzmetin qosa atqaratyn kezder de bolady.
Saýalnamaǵa qatysqan qyzmetkerlerdiń 35%-y «quqyǵymyz joǵary deńgeıde qorǵalady» dese, 51%-y «ortasha» dep kórsetken. Al 14%-y quqyǵynyń jıi taptalatynyn aıtypty. Odan bólek, 3%-ynyń basshylaryna kóńili tolmaıdy. Osyndaı saýalnama jyl basynan beri eki ret júrgizilgen.
"Óziniń jumysynan tys qosymsha eńbekke jegiletin qyzmetshilerdiń úlesi 36%-dy quraǵan bolsa, al keıinnen mamyr aıynda ótkizilgen saýalnama nátıjesinde ol kórsetkish 12%-ǵa deıin tústi. Eń negizgi maqsat - osy jalpy óńirimizdegi memlekettik qyzmetshilerdiń quqyqtaryn, olardyń bostandyǵyn, áleýmettik-ekonomıkalyq quqyǵyn qorǵaý. Sońǵy saýalnama nátıjesinde 94% memlekettik qyzmetshiler ózderine tólenip jatqan jalaqynyń, ústemeniń, syıaqynyń, is sapar tólemderiniń ýaqtyly tólenetinine qanaǵattanatyndaryn aıtty. 94% joǵary kórsetkish dep bilemin",-deıdi QR MQІSJQ is-qımyl agenttiginiń oblystyq departamentiniń basshysy Rasýl Medetov.
