Aqtóbelik mamandar shujyqtan adam etiniń tini tabyldy degen aqparattan soń eskertý jarııalady
AQTÓBE. QazAqparat - Aqtóbelik sanıtar mamandar Reseıdiń ǵalymdary zerttep, keıin shujyqtan adamnyń etiniń tabyldy degen aqparattan soń eskertý habarlama taratty, dep habarlaıdy QazAqparat tilshisi.
Áleýmettik jeli arqyly Reseıdiń «Mortadel» et kombınaty óndiretin «Korolevskıı», «Servelat zernıstyı» shujyqtarynan adam etiniń tini tabylǵanyn ǵalymdar zerttep, anyqtaǵan. «Izvestııa» basylymyndaǵy bul jańalyqtan soń aqtóbelik sanıtar mamandar jergilikti saýda oryndaryna arnaıy habarlama taratty.
«Reseıdiń «Mortadel» et kombınatynda ázirlengen shujyqtan adam etiniń anyqtalǵany týraly jańalyqtan soń bizge iri saýda oryndaryn aqparattandyrýǵa tapsyrma tústi. Aqtóbe oblysy, Hromtaý aýdandyq saýda oryndaryna habarlandyrý berip, bul et kombınatynyń ónimderinen saqtanýdy eskerttik. Jergilikti jerde bul aqparat tolyq taratyldy. Óńir tutynýshylary bul et kombınatynyń ónimin tutynbaıdy eken»,- dedi Hromtaý aýdandyq qoǵamdyq densaýlyq saqtaý basqarmasynyń sanıtar dárigeri Raıa Qopabaeva.
Aıta keteıik, dál osy aqparattan soń «Mortadel» et kombınaty naryqta 26 jyl boıy jumys isteıtinderin jáne bul aqparatty ǵalymdar rastamaǵynyn málimdegen.
