Aqtóbelik Qyzyl kitapqa engen qusty atty
AQTÓBE. QazAqparat - Aqtóbeniń Alǵa aýdanynda 45 jastaǵy kúdikti Qyzyl kitapqa engen bezgeldekti atyp aldy. Oqıǵa boıynsha qylmystyq is qozǵaldy, dep habarlaıdy QazAqparat tilshisi.
Aqtóbeniń Alǵa aýdanynda ań aýlap, qus atyp júrgen 45 jastaǵy kúdikti ustaldy. Ol mototsıklmen júrip úırek, Qyzyl kitapqa engen bezgeldekti atyp alǵan.
«Jergilikti polıtsııa qyzmeti 12 kalıbrli ańshy myltyǵyn tárkiledi. Osy oqıǵa boıynsha Qylmystyq kodekstiń «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» baby boıynsha is qozǵaldy»,- dedi Aqtóbe oblystyq ІІD baspasóz jetekshisi Nurgúl Qonaqbaeva.
