Aqtóbelik krıptovalıýtadan aqsha tapqysy kelip, alaıaqtardyń qurbany boldy
Polıtsııanyń kezekshi bólimine Aqtóbe qalasynyń 21 jastaǵy turǵyny belgisiz bireýdiń alaıaqtyq jolmen aqsha qarajatyn ıemdengeni týraly aryzdanǵan. Jábirlenýshi «Telegram» messendjerindegi arnadan krıptovalıýta tabysy týraly habarlandyrý tapqanyn aıtqan. Satýshy men satyp alýshy arasyndaǵy hat almasý messendjerde jalǵasqan.
Satýshy aqsha aýdarǵannan keıin birden eki eselengen somany alady dep sendirgen. Qala syrtynda kezdesip, jábirlenýshi 3 mıllıon teńgeni kúdiktige ózi bergen. Alaıda, aqsha alǵannan keıin satýshy baılanysqa shyǵýdy toqtatqan. Osy fakti boıynsha QR QK 190-baby 1-bóligi «Alaıaqtyq» boıynsha sotqa deıingi tergep-tekserý bastaldy.
Sonymen, krıpto-alaıaqtyqty qalaı tanýǵa bolady? Kepildendirilgen paıda týraly ýáde. Eshqandaı ınvestıtsııa úshin kiriske kepildik berý múmkin emes: olardyń naryqtyq quny ósýi de, tómendeýi de múmkin. Kepildendirilgen kiristi ýáde etetin kez – kelgen usynys kúdik týdyrý qajet.
