Aqtóbelik komıssııa lıftterdiń tehnıkalyq jaǵdaıyn kórip shoshydy

Aqtóbe qalasynda lıftte qaıǵyly oqıǵa tirkelip, arnaıy komıssııa jumys istegen bolatyn. Buǵan deıin habarlaǵanymyzdaı, barlyǵy 149 lıft ýaqytsha toqtatyldy.

Búgin tekserý qorytyndysy týraly jan-jaqty aıtylǵan baspasóz máslıhatynda Aqtóbedegi lıftterdiń adam shoshyrlyq jaǵdaıda turǵany málim boldy.

«Komıssııa músheleri lıftterdiń tehnıkalyq jaǵdaıyn kórip, shoshyp ketti. Sebebi, lıftterdiń saqtandyrý elementteri bolmady, esiktiń ashylyp, jabylýyna jaýapty avtomatıkasy isten shyqqan. Bárine páter ıeleri kooperatıvi jaýapty edi. Lıftter básekelestik ortaǵa berilgen soń tehnıkalyq jaǵdaıyn páter ıeleri kooperatıvi men kondomınıým óz mindetine alýy tıis»,- dedi Aqtóbe oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Dastan Amanov.

Tekserý komıssııasy ár lıftiniń jaǵdaıyn baıandap, qujat jınaqtady. Qazirgi kúni 1 lıftini aýystyrý úshin 6,5 mıllıon teńge qajet. Al Aqtóbe oblysyna bıýdjetten 40 mıllıon teńgeden astam qarjy bólingen. Bul bar bolǵany 6 lıftti jóndeýge jaraıdy.

«Aqtóbedegi lıftterdiń bárin qalpyna keltirý, almastyrý úshin 2 mıllıard teńge qajet bolady. Bıyl oblystyq bıýdjetten 40 mıllıon teńge bólinip otyr. Barlyǵy 22 lıftti aýystyrýdy qajet»,- dedi Dastan Amanov.

Memleketten bólingen qarjy qaıtarymdy bolady. Turǵyn úıdegi páter ıeleri 7 jylda 6,5-7 mıllıon teńgeni qaıtaryp berýi tıis. Qaıtarymdy qarjy esebinen taǵy da isten shyqqan lıftter aýystyralady.

Aıta keteıik, negizi Aqtóbede 776 lıft bar. Tekserý kezinde 25 jyldan beri jumys istep turǵan lıftter tizimge alyndy. Barlyǵy 139 kópqabatty turǵyn úıdegi 282 lıft tekserildi. Kóp zańsyzdyq anyqtaldy. Máselen, tekserilgen lıftiniń tek 18-de júrýge jaramdylyǵyn rastaıtyn tehnıkalyq qujaty bar. Al 113 lıftiniń tehnıkalyq tólqujaty bolmaı shyqty. Qazirgi kezde 56 lıftiniń ıesi joq, eshkim óz mindetine almaǵan. Barlyǵy 149 lıftini jóndeý qajet bolyp tur. Bir lıft jóndeýge de kelmeıdi. Al 22 lıft apatty jaǵdaıda toqtatyldy.


Foto: zelaomos.news