Aqtóbelik kóliginiń ishine benzın quıyp, ózin-ózi órtemek boldy
AQTÓBE. QazAqparat - Aqtóbelik turǵyn kóliginiń ishine benzın quıyp, ózin-ózi órtemek boldy, dep habarlaıdy QazAqparat tilshisi.
Oqıǵa 18 shilde kúni saǵat 20:23-te tirkeldi. Aqtóbe oblystvq TJD kezekshi-dıspetcherlik pýltine polıtsııa qyzmetkerlerinen habarlama tústi. Aqtóbe qalasynyń turǵyny «Leksýs 350» markaly jeke avtokóliginiń salonyna benzın quıyp, esikterin qulyptap, ózin-ózi órtemek boldy.
«Shaqyrtý ornyna shuǵyl túrde 8 adam jáne 2 tehnıka jiberildi. Oqıǵa ornyna kelgen boıda órt sóndirýshi-qutqarýshylar, azamattyq qorǵaý kishi serjanttary T.K. Syrymbetov pen A.R. Omarov mashınanyń artqy áınegin syndyryp, al basqa qutqarýshylar kóbik shashty. Osylaısha jedel ári tııanaqty áreket etý nátıjesinde 1983 jyly týǵan turǵyn qutqaryldy»,- dep habarlady oblystyq TJD baspasóz qyzmeti.
