Aqtóbelik kelinshek saýda ortalyǵynda bosanyp qaldy
AQTÓBE. QazAqparat - Aqtóbelik kelinshek qyzyn saýda ortalyǵynda ómirge ákeldi, dep habarlaıdy QazAqparat tilshisi saýda ortalyǵynyń áleýmettik jelidegi paraqshasyna silteme jasap.
«Kelýshilerdiń biri Lady Collection býtıginde bosanyp qaldy. Saýda ortalyǵynyń qyzmetkerleri úshin bul tosynsyı boldy. Bári jedel sheshim qabyldap, bosandyryp alǵan. Jedel járdem men dárigerler jetkenshe kelinshek balasyn baýyryna basty», - dep habarlady saýda ortalyǵy áleýmettik jelidegi paraqshasy arqyly.
Sábıdiń salmaǵy - 3 400 gramm, boıy - 52 sm. Saýda ortalyǵy ydys-aıaq, al sábıge hanshaıymdarǵa arnalǵan jınaqty syıǵa tartý etpek.
