Aqtóbelik kelinshek perzenthanadan shyǵa sala balasyn satyp jibergen
AQTÓBE. QazAqparat - Aqtóbelik kelinshek perzenthanadan shyqqan kúni sol mańda balasyn satyp jibergen. Qazir oqıǵa boıynsha tergeý jumysy bastaldy. Bul týraly oblystyq ІІD baspasóz qyzmetiniń jetekshisi Laýra Zabıh aıtty, dep habarlaıdy «QazAqparat» tilshisi.
Bala satý deregi 18 qańtar kúni tirkelgen. Oblystyq Іshki ister departamenti qazir tergeý jumystaryn jan-jaqty júrgizip jatyr.
«Oblystyq ІІD-niń qyzmetkerleri jedel izdestirý jumysyn júrgizdi. Aqtóbe qalasyndaǵy perınataldy ortalyqta bosanyp, keıin perzenthanadan shyǵa bere balasyn satyp jibergen B. esimdi azamatsha qazir tergeý oqshaýlaǵyshynda otyr. Oqıǵaǵa baılanysty Qylmystyq kodekstiń «Kámeletke tolmaǵan balany satý» baby boıynsha is qozǵaldy»,- dedi oblystyq ІІD baspasóz qyzmetiniń jetekshisi Laýra Zabıh.
Aıta keteıik, Qylmystyq kodeks boıynsha «kámeletke tolmaǵan adamdy satyp alý-satý nemese oǵan qatysty ózge de mámileler jasasý, sol sııaqty ony qanaý nemese azǵyryp kóndirý, tasymaldaý, berý, jasyrý, alý, sondaı-aq qanaý maqsatynda ózge de is-áreketter jasaý» jazasy aýyr. Eger kúdiktiniń kinási dáleldense, onyń múlki tárkilenip, 5 jyldan 7 jylǵa deıingi merzimge bas bostandyǵynan aıyrýy múmkin.
Altynaı Saǵyndyqova
