Aqtóbelik qaıtys bolǵan adamnyń zeınetaqysyn 6 aı alǵan

AQTÓBE. QazAqparat - Aqtóbe oblystyq prokýratýrasy qaıtys bolǵan adamdardyń zeınetaqysyn úzdiksiz alyp otyrǵan adamdardy anyqtady. Keıbiri 500 myń teńgege deıin zeınetaqy alǵan, dep habarlaıdy QazAqparat tilshisi.

Aqtóbe oblystyq prokýratýrasy ishki ister organdary men «Azamattarǵa arnalǵan úkimet» korporatsııasy fılıalynyń jumysyn biriktirdi. Sebebi jyl saıyn qaıtys bolǵan adamnyń zeınetaqysyn alyp, ony óz paıdasyna jaratyp otyratyndar tirkelip jatyr. Keıbiri bul týraly habar berip, arnaıy organdarǵa jetkizedi. Al 6 aı boıy zeınetaqy alyp, esepshotqa túsken 500 myń teńge qarjysyn jumsap jibergender bar. Zań boıynsha qaıtys bolǵan adamnyń zeınetaqysy keri qaıtarylady.

«Іshki ister organdary jyl saıyn «Azamattarǵa arnalǵan úkimet» korporatsııasy fılıalynyń ótinishi boıynsha tekserý jumystaryn júrgizedi. Sebebi, qaıtys bolǵan adamdardyń zeınetaqysyn paıdalaný deregi toqtamaı tur. Bul zeınetaqy men járdemaqy alatyn adamdardyń qaıtys bolǵany týraly anyqtamanyń der kezinde tapsyrylmaýynan bolyp otyr. Aldaǵy ýaqytta ishki ister organdary men «Azamattarǵa arnalǵan úkimet» apta saıyn aqparat almasyp otyrady», - dedi Aqtóbe oblystyq prokýratýrasynyń apparat jetekshisi Jasulan Dáýlembaev.