Aqtóbelik kassır býkmekerlik keńse tonaldy dep ótirik habar bergen
AQTÓBE. QazAqparat - Aqtóbede býkmekerlik keńse kassıri qurbysymen birge keńseni tonap ketti dep ótirik aıtqan, dep habarlady oblystyq ІІD-den.
21 jastaǵy kassır qyz polıtsııaǵa qaraqshylyq shabýyl jasalǵanyn habarlaǵan. Jedel tergeý tobyna ol 25-30 jastaǵy azıattekti qaraqshylar shabýyl jasap, keńesege kelip, pyshaqpen qorqytqanyn jáne 400 myń teńge kólemindegi aqshany kassadan alyp ketkenin aıtqan.
Polıtsııa qyzmetkerleri «qaraqshylyq» baby boıynsha is qozǵaǵan, jaqyn mańdaǵy úı turǵyndarynan surastyryp, taıaý jerdegi mekemelerdiń baqylaý kameralaryn baqylaǵan. Alaıda ol esh nátıje bermegen. Tergeý barysynda olar japa shegýshi men onyń qurbysynan kúdikti áreket baıqaǵan.
Zardap shegýshilerdiń biriniń telefonyn qaraý kezinde qyzdardyń bir-birimen sóılesken sms-habarlamalary tabylǵan. Onda kassır qyz sol kúni utys tikken kezde iri aqsha somasynan utylǵannan keıin, dereý arada aqsha kerek ekenin aıtqan.
Sodan keıin polıtsııa qyzmetkerlerine jalǵan zardap shegýshi býkmekerlik keńse bacshysynyń tarapynan jaýapkershilikten qashý maqsatynda ótirik urlyq jasalǵanyn kórsetken. Qosymsha tergeý barysynda qylmystyq istiń fıgýranttary bul isti ózderi jasaǵandaryn moıyndady.
Qylmystyq is ony jasaǵandardyń joqtyǵyna baılanysty toqtatyldy.
