Aqtóbelik kásiporyn jumysshynyń jaraqat alǵanyn jasyryp, ótemaqy tólemegen
Aqtóbe oblystyq prokýratýrasy 6 aıda 8 myńnan astam adamnyń konstıtýtsııalyq quqyǵyn qorǵady. Barlyǵy 500-den astam laýazymdy qyzmetker jaýapkershilikke tartyldy. Nátıjesinde memleket paıdasyna 3,7 mıllıard teńge óndirildi.
«Oblystaǵy «SNPS-Aqtóbemunaıgaz» AQ, Dóń ken baıytý kombınaty, «SNPS-Aqtóbe kólik kompanııasy» JShS, «Vostok neft ı servısnoe obslýjıvanıe» JShS, «Uly qabyrǵa QQBK» JShS-i sekildi iri óndiris oryndarynyń qyzmetinde jumysshylardyń eńbek quqyqtary buzyldy. Jumysshylardyń jalaqysynan zańsyz aqsha ustap, gıgıenalyq zattarmen qamtamasyz etpegeni anyqtaldy. Sonymen qatar, eńbek demalysyn berý kezinde zańsyzdyqtarǵa jol berdi. Prokýratýra tekserýinen soń barlyǵy 2 myńnan astam jumysshynyń konstıtýtsııalyq quqyǵy qorǵaldy. Al «Vostok neft ı servısnoe obslýjıvanıe» JShS-i jumys berýshiniń kinásinen jaraqat alǵan jumysshyǵa qatysty derekti jasyrdy. Tekserýden soń kompanııa jumysshyǵa ótemaqy tóledi. Ári ishki ister organdarymen sotqa deıingi tergeý óndirisi bastalyp, iske qatysy bar eńbek ınspektsııasy basshysynyń orynbasary jáne 2 bólimniń basshysy tártiptik jaýapkershilikke tartyldy. Qadaǵalaý sharasy nátıjesinde birneshe kompanııa 2 myńnan astam jumysshy aldyndaǵy berejaǵyn ótedi. Qaryz 328 mıllıon teńgege jetken»,- dep habarlady oblystyq prokýratýranyń baspasóz qyzmeti.