Aqtóbelik kásipkerlerdiń 90 paıyzy sharýlaryn zańsyz sheshý jaǵdaılaryna tap bolmaǵan - saýalnama
Sharaǵa Sybaılas jemqorlyqqa qarsy is-qımyl agenttiginiń oblystyq departament basshysy Baýyrjan Balǵabekov, departament basshysynyń birinshi orynbasary Ǵalymbek Dosanov qatysyp, sybaılas jemqorlyqqa qarsy is-qımyl zańnamasyndaǵy ózgerister men tolyqtyrýlar týraly aıtty. Aqtóbe oblystyq densaýlyq saqtaý basqarmasy men medıtsınalyq mekeme basshylary jıynǵa qatysyp, kásbı jaýapkershilikke toqtaldy. Óńirde sybaılas jemqorlyqqa qarsy mádenıet qalyptastyrý, parasattylyq pen adaldyq prıntsıpterin nyǵaıtý boıynsha túsindirme jumystary jyl saıyn, josparly ótkizilip keledi.
«Jaqynda Transparency International uıymynyń «2020 jylǵy Qazaqstandaǵy sybaılas jemqorlyqtyń monıtorıngi» atty zertteý jumysynyń qorytyndysy jarııalandy.
Bul áleýmettik saýalnama bizdiń nazarymyzdan tys, úkimettik emes uıymnyń ókilderimen barlyq óńirde júzege asyryldy. ıAǵnı, bul saýalnamanyń ótip jatqandyǵy týraly biz tipti habarsyz bolǵanbyz. Jalpy aıtsaq, Aqtóbe oblysy sybaılas jemqorlyq órship turǵan «qyzyl» aımaqtar qatarynan tabylmady. Saýalnamaǵa qatysqandardyń 99% qandaı da bir sharýany zańsyz, beıresmı túrde sheshýmen baılanysty jaǵdaılarǵa tap bolmaǵan.
Saýalnamaǵa qatysqan kásipkerlerdiń 98,5% dál osyndaı pikirde. Saýalnamanyń qorytyndysy naqty jaǵdaıdy sýrettemese de, jalpy qoǵamnyń bizge qatysty pikirin kórsetedi», - dedi departament basshysynyń birinshi orynbasary Ǵalymbek Dosanov.
Jıyn kezinde medıtsına qyzmetkerlerine jemqorlyq deregi anyqtalyp, qylmystyq is qozǵalsa, jazanyń qatań bolatyny da aıtyldy.
«Eger 100 myń teńge somasyndaǵy para berý deregimen sottalsa, paranyń 20 eselengen somasyn taǵaıyndaı alady. ıAǵnı, aıyppul 2 mln teńgeni quraıdy. Buǵan deıin eń tómengi aıyppul kólemi 1 mln teńgeni quraǵan. Jalpy júıeli jumys nátıjesinde jemqorlyq deregi 5% tómendedi. Aqtóbe óńirin alatyn bolsaq, ótken jyly departament 53 qylmysty tirkedi. Onyń 33-i aýyr qylmys sanatyna jatady. 28 qylmys qarajatty jymqyrý, 5-ýi laýazymdyq ókilettigin teris paıdalaný jáne 18-i paraqorlyq sanaty. Memlekettik baǵdarlamalardy júzege asyrý kezinde de kóp qylmys tirkelgen. Olardyń 6-y «Nátıjeli jumyspen qamtýdy jáne jappaı kásipkerlikti damytý», 5-ýi «Óńirlerdi damytý», 4-i «Nurly jol», 3-ýi «Bilim men ǵylymdy damytý» jáne ekeýi «Jumyspen qamtýdyń jol kartasy» baǵdarlamaryna tıesili. Zalal kólemi 240 mln teńgeni qurap otyr. Onyń 201 mln teńgesi búgingi kúni ótelgen»,- dedi Ǵ.Dosanov.
Semınar sońynda oblystyq densaýlyq saqtaý basqarmasynyń basshysy Rústem Isaev jumysty uıymdastyrý jáne jemqorlyq táýekelderiniń aldyn alý sharasyna toqtaldy. Bıyl tapsyrmalardy atap, jumyla jumys isteýge shaqyrdy.