Aqtóbelik kásipkerler stýdentterdi jumysqa shaqyrdy
AQTÓBE. QazAqparat - Aqtóbelik kásipkerler bıyl dıplom alatyn stýdentterdi jumysqa shaqyrdy, dep habarlaıdy QazAqparat tilshisi.
Aqtóbedegi kásipkerler palatasy kásiporyndar men bilim berý uıymdarynyń arasyndaǵy seriktestikke yqpal etti. Nátıjesinde bıyl qolyna dıplom alatyn jas mamandar jumys tapty. Aqtóbe tehnıka-tehnologııalyq kolledjin 126 jas bitirse, onyń 70 paıyzyn meıramhanalar men dámhanalar jumysqa shaqyrdy.
«Tamaqtaný, qoǵamdyq tamaqtaný qyzmetine qajetti mamandardy daıarlaýdyń tıimdi tásili osy. Jastarǵa jumys, al kásipkerlerge jumysshy qajet. Jumys berýshilerdiń oqý úderisin aralassa ózine qajetti kadrdy tárbıelep alady. Bul - bilim berý baǵdarlamasyna kóńil bólý jáne materıaldyq-tehnıkalyq bazany birigip paıdalaný degen sóz. Bul jerde qaıyrymdylyq emes, áriptestik týraly aıtyp otyrmyz », - deıdi Aqtóbe oblystyq kásipkerler palatasynyń baspasóz qyzmeti. Kolledje bilim alǵandardyń jumysqa ornalasýyna «Atameken» kásipkerler palatasy men Aqtóbe oblysynyń meıramhana jáne qonaq úı bıznesi qaýymdastyǵy kómektesedi. Shara barysynda jumys berýshilerdiń qatysýymen eńbek jármeńkesi ótkizildi.
Aıta keteıik, jumys berýshiler tájirıbe sabaqtary kezinde ózderin laıyqty kórsete bilgenderdi jumysqa jıi alady. Jumysqa shaqyrý sertıfıkatyn úlestirý kezinde mamandyqpen tanysý jáne kásiptik baǵdar berý maqsatynda qaladaǵy 32 mekteptiń 100 joǵarǵy synyp oqýshysy qatystyryldy. Olarǵa kolledj stýdentteriniń jumystarynan kórme jáne sheberlik sabaqtary uıymdastyryldy.
