Aqtóbelik kásipkerler balalaryna ekpe jasatýdan bas tartýda
AQTÓBE. QazAqparat - Aqtóbede 2 myńnan astam bala ekpe almaǵan. Balasyna ekpe jasatýǵa qarsy bolǵandardyń basym bóligi jumyssyzdar, kásipkerler men munaıshylar, dep habarlaıdy QazAqparat tilshisi.
Aqtóbede ekpeden bas tartýshylar sany azaımaı tur. Qazirgi kezde 2572 bala ekpe almaǵan. Olardyń kóbi balabaqsha jasyndaǵy bala. Dárigerler túsindirý jumystaryn júrgizip, jyl basynan beri 182 balanyń ata-anasyn raıynan qaıtarǵan. Degenmen Aqtóbe oblysy ákiminiń orynbasary Erbol Nurǵalıev aqparattyq-túsindirý tobynyń jumysyn synǵa alyp, jumystyń durys atqarylmaǵanyn aıtty.
Aıta keteıik, balasyna vaktsına jasatpaı júrgen ata-analardyń 77 paıyzdan astamy jumyssyz, 37 paıyzy kásipker jáne 17 paıyzdan astamy munaıshy eken. Qazirgi kúni ekpe almaǵan balalar balabaqshaǵa, mektepke baryp júr. Ata-analar óz áreketterin dinı kózqaraspen, jeke pikirimen jáne vaktsınanyń paıdaly ekenine kúmán keltiretinimen túsindiredi.
«Osy baǵyttaǵy jumystardy jandandyryp, halyqqa ekpeniń eń aldymen, olardyń densaýlyǵy úshin salynatyndyǵyn túsindirý qajet. Biz kórsetkishterdi, dınamıkany qadaǵalap otyratyn bolamyz jáne osy jumystardyń nátıjesi boıynsha medıtsına mekemeleriniń basshylaryna baǵa beremiz»,- dedi Erbol Nurǵalıev.
