Aqtóbelik kásipkerler Arysqa qomaqty qarjy aýdardy
Búgin "Dastan" kompanııasy dırektorlar keńesiniń tóraǵasy Ashat Aıtjanov 3 mıllıon teńge, "Anvar" JShS-niń bas dırektory Talǵat Salfıkov 1 mıllıon teńge, "Parıjskaıa kommýna HHІ" JShS-niń quryltaıshysy Gaık Terterıan 2 mıllıon teńge aýdaryp, "Global-Spetsodejda" JShS 2 mıllıon teńgege kórpe, jastyq, tósek oryn jabdyǵy men jeıde jiberdi. Sonymen qatar osy kompanııa jumysshylary 260 myń teńge jınap berdi.
"Arystaǵy jaǵdaı bir qalany emes, búkil eldi alańdatty. Shaǵyn ujym tótenshe jaǵdaıda qalǵan turǵyndardy qoldaý úshin birden aqsha aýdarýǵa sheshim qabyldady. Ár adam qolynda baryn berip, lebizin bildirdi. Jumysshylardyń ózi 260 myń teńge jınap berdi", - dedi "Global-Spetsodejda" JShS-niń dırektory Nadejda Shabaeva.
Aıta keteıik, aqtóbelik isker áıelder keńesi 300 myń teńge jınady. Aqsha arnaıy esepshotqa aýdaryldy. Ári "Jyldamdyq" kýrsynyń túlekteri gýmanıtarlyq jáne materıaldyq kómek aktsııasyn bastady. Bıznesti endi bastaǵan kásipkerler 140 myń teńge jınaǵan.
Eske salsaq, keshe "SNPS-Aqtóbemunaıgaz" AQ 50 mıllıon teńge aýdardy.
