Aqtóbelik kásipker jalǵyzbasty anaǵa páter syılady

ShALQAR. QazAqparat - Shalqar aýdanynyń kásipkeri Bıbigúl Boranqulova qyzyn ózi baǵyp otyrǵan anaǵa úsh bólmeli páter syılady, dep habarlaıdy QazAqparat tilshisi.

Aqtóbe oblysy Shalqar qalasynyń turǵyny Móldir Janalınova 2007 jyldan beri kásipker Bıbigúl Boranqulovanyń janynda jumys isteıdi. Ýaqytpen sanaspaı eńbek etip, óz jumysyna adal bolǵan aýyldasyn basshy qurmettedi, tosynsyı jasady. Ómirindegi eń qymbat syıǵa ıe bolǵan jalǵyzbasty ana bul jańalyqqa áli sener-senbesin bilmeı otyr.

«Ákem 24 jasymda kásipker Bıbigúl Boranqulovaǵa tapsyrdy. Kez kelgen jumysty isteıtinimdi qosa aıtty. 2007 jyly jergilikti turǵyn úı kezegine de turdym. Ákimdikke baryp, jaǵdaıymdy da aıttym. Biraq baspana kásipkerden buıyryp tur. 13 jyl boıy eńbek ettim, qyzym da qýanysh syılap, bıyl mektepti úzdik attestatpen aıaqtady. Bul maǵan tosynsyı boldy. «Eńbegiń sińdi» dep baǵalady, eshkim bere almaǵan syıdy jasady. Jaqsylyǵyn sózben aıtyp jetkize almaımyn. Áli «shynymen úıim bar ma» dep óz-ózime suraq qoıyp júrmin. Eńbegin qalaı qaıtararymdy da bilmeımin», - dedi Móldir Janalınova.

Aıta keteıik, Bıbigúl Boranqulova óz jumysshysyna bergen syıy, jaqsylyǵy týraly eshteńe aıtýdy qalamady. Kásipker muny ataq, maqtan úshin istemgenin ǵana eskertti.