Aqtóbelik kásipker 9 oqýshysy bar aýylǵa mektep salyp berdi
Hromtaý aýdany Bógetsaı aýyldyq okrýgine qarasty Qarlaý eldimekeninde búgin bastaýysh mektep ashyldy.
«Oblysymyzda 415 mektep jumys isteıdi. Elimizdiń ótkendeýimen qatar bala sany da artyp keledi. Aqtóbe oblysynda bir jylda on myń balaǵa oryn tapshylyǵy baıqalady. «Nur Otan» partııasynyń saılaýaldy baǵdarlamasyna sáıkes bes jylda 50 bilim ordasy salynýy tıis. Sonyń 12-i bıyl jyl aıaǵyna deıin tapsyrylady. Ár aýyldy saqtap qalý maqsatynda da mektep salynyp jatyr», - dedi oblystyq bilim basqarmasynyń basshysy Joldas Batyrhan.
Jańa bilim ordasy qarlaýlyq kásipker Jumabaı Bekmaǵanbetovtiń demeýshiligimen boı kóterdi. Jalpy aýdany - 600 sharshy metr. Joba quny - 40 mln teńge. Bastaýysh mektep 40 orynǵa shaqtalǵan. Qazir munda 9 bala bilim alyp júr. Olarǵa 3 muǵalim sabaq beredi.
