Aqtóbelik kásipker 100 aýyldasyna azyq-túlik taratty

AQTÓBE. QazAqparat - Aqtóbelik kásipker Talǵat Salfıkov turmysy tómen 100 otbasyna azyq-túlik paketin taratty, dep habarlaıdy QazAqparat tilshisi.

Aqtóbe oblystyq máslıhatyndaǵy «Nur Otan» fraktsııasynyń múshesi Talǵat Salfıkov Oıyl aýdanyndaǵy turmysy tómen otbasylarǵa azyq-túlik jetkizip berdi.

Ulystyń uly kúni qarsańynda azyq-túlik tıelgen arnaıy júk kóligi aýdan ortalyǵyna jetkizildi. Kásipker 2 mıllıon teńgeden astam qarjy jumsady. Barlyǵy 100 otbasy kómek alady.

«Biz Talǵat Salfıkovtyń jerlesterine jibergen járdemin qabyldap, tizim boıynsha tıisti otbasylarǵa berilýin muqııat qaradyq», - deıdi «Nur Otan» partııasy Oıyl aýdandyq fılıaly tóraǵasynyń birinshi orynbasary Erkin Jıenalın.
Táýelsizdiktiń 30 jyldyǵyna oraı «30 ıgi is» aktsııasy ár aýdanda ótip jatyr. Bul jumys jyl boıy jalǵasady.