Aqtóbelik fýtbolshylar Túrkııada Ýkraınanyń
ALMATY. 10 qańtar. QazAqparat /Erlik Erjanuly/ - Túrkııada oqý-jattyǵý jıynyn ótikizip jatqan "Aqtóbe" fýtbol klýby 17-qańtarda Ýkraınanyń "Volyn" komandasymen joldastyq kezdesý ótkizedi.
Vladımır Mýhanov jattyqtyratyn aqtóbelikter byltyr Premer-lıgadaǵy Qazaqstan chempıonatynda qola júldeger atanǵan bolatyn. Jańa maýsymǵa daıyndyq kezindegi kezekti oqý-jattyǵý jıynyn olar 8-qańtardan bastap Túrkııada ótkizip jatyr. Ol 22-qańtarǵa deıin sozylmaq.
Al Ýkraına chempıonatynyń elıtalyq dıvızıonynda óner kórsetetin Lýtsk aıaqdopshylary qazir 20-týrdyń qorytyndysy boıynsha 16 komandanyń arasynda 12-orynda kele jatyr. Keshe komanda basshylyǵy "Avangard" stadıonynda jýrnalısterge jańadan taǵaıyndalǵan bas bapker Anatolıı Demıanenkany tanystyrǵan bolatyn. Endi A.Demıanenko tizginin ustaǵan lýtsktyqtar maýsymaralyq úzilis kezinde aqtóbelik qurdastarymen alǵashqy joldastyq kezdesýin ótkizbek.
