Aqtóbelik fýtbolshylar Tájikstannyń "Bahsh" komandasyn 2:0 esebimen tize búktirdi

dep habarlaıdy QazAqparat.

Qarsylastary qaqpasyna soǵylǵan qos doptyń da avtory Emil Kenjesarıev. Onyń ekeýi de alǵashqy taımda (39, 47 mıýnttarda) engizildi. Aslıdın Habıbýlloev jattyqtyratyn tájik aıaq dopshylary qarymta qaıtara almady. "Dostastyq kýbogynda" aqtóbelikterge Qorǵan tóbeniń "Vahsh" komandasy 2006 jyly 1:0 esebimen jeńilgen bolatyn. Týrsýnzadeniń "Regar-Tadaz" komandasy da 2007 jyly 0:0 bop tarasqanmen, 2008 jyly 5:0 esebimen oısyraı utyldy. Al tájik aıaq dopshylarynan buǵan deıin Dýshanbeniń "Dınamosy" 1997 jyly "Tarazdan" 3:2 esebimen utylyp, Dýshanbeniń "Varzob" dep atalatyn kelesi bir komandasy 1999 jyl Semeıdiń "Elimaıymen" (1:1), 2000 jyly Pavlodardyń "Ertisimen" (2:2) teń túsken bolatyn.

Ótken jylǵy týrnırde kúmis júldeger atanǵan V. Muhanovtyń shákirtteri bıyl qańtardyń 16-sy kúni Fınlıandııanyń "HIK" klýbymen ótken alǵashqy oıynda 0:1 esebimen utylyp qalǵan bolatyn. Keshe "HIK" Ázirbaıjannyń "Baky" komandasymen 0:0 esebimen tarasty. Erteń "Aqtóbe" men "Baky", "HIK" pen "Vahsh" kezdesedi. Bakylyqtar da aqtóbelik qurdastary sııaqty alǵashqy oıynda "Vahshtan 2:0 esebimen basym túsken bolatyn.