Aqtóbelik fýtbolshylar Eýropa Lıgasynyń ekinshi irikteý raýndyn Moldovada ótkizedi
ALMATY. 18 shilde. QazAqparat - «Aqtóbe» fýtbol klýby búgin, 18 shildede Eýropa Lıgasynyń 2-irikteý raýndyn syrt alańda Moldovanyń Orgeev qalasynyń «Mılsamı» komandasymen ótkizedi.
Vladımır Mýhanov jattyqtyratyn aqtóbelik aıaqdopshylardyń qarsylasy 7 jyldyq tarıhy bar jas komanda. Sergeı Kleşenko jattyqtyratyn orgeevtikter byltyr Moldovanyń Ultyq dıvızıonda tórtinshi oryn alyp, Moldova kýbogynyń ıegeri atandy. Bıyl Eýropa lıgasyn 2-irikteý raýndynan bastaǵaly otyrǵan, olar byltyr Ulttyq dıvızıonda 3-oryn alyp, Eýropa lıgasyndaǵy alǵashqy oıynda 1-raýnda súrinip, Grýzııanyń Tbılısı qalasynyń «Dınamo» komandasyna qos kezdesýdiń qorytyndysy boıynsha 1:5 esebimen utylǵan bolatyn.
Aqtóbelikter qazir Premer-Lıgadaǵy el chempıonatynda 17 týrdyń qorytyndysy boıynsha besinshi orynda kele jatyr. Olar 15 shilde kúngi sońǵy oıynda syrt alańda Shymkenttiń «Ordabasy» komandasymen 1:1 esebimen teń tústi. Al «Mılsamı» Moldova Ulttyq dıvızıonyndaǵy 1-týrdy 14 shilde kúni óz alańynda Ýtm qalasynyń «Akademııa UTM» komandasymen ótkizip, 1:0 esebimen jeńiske jetti. Qazir olar «Sherıf» pen «Olımpııa» komandalarynan keıin qarsylastar qaqpasyna soqqan doptarynyń sany boıynsha 3-orynda kele jatyr.
