Aqtóbelik fýtbolshylar Eýropa lıgasynyń 3-raýndyn Belgııanyń «Genk» komandasymen ótkizedi

 Oǵan fın qazylary tórelik etpek. V.Mýhanov jattyqtyratyn «Aqtóbe» fýtbol klýby 2-raýndta syrt alańdaǵy alǵashqy oıynda  Moldovanyń Orgeev qalasynyń «Mılsamı» komandasyna  2:4 bop utylǵanymen, óz alańyndaǵy qarymta kezdesýde 3:0 esebimen basym túsken bolatyn. Al 1-raýnda Grýzııanyń Kýtaısı qalasynyń «Torpedo» komandasynan syrt alańdy 1:1 esebimen teń túsip, óz alańynda ótken qarymta oıynda 1:0 esebimen utqan edi.

Aqtóbelikterdiń bul jolǵy qarsylasy 1988 jyly qurylǵan «Genk» fýtbol komandasy. Gollandııalyq Marıo Been jattyqtyratyn belgııalyqtar ótken jyly Belgııanyń Birinshi dıvızıonynda el chempıony jáne Sýperkýbok jeńimpazy atanǵan bolatyn. Olar  jalpy Birinshi dıvızıonda 3 ret el chempıony (1998/99, 2001/02, 2010/11) atanyp, 3 dúrkin (1998, 200, 2009) el kýbogyn jáne  1 ret Sýperkýbokty (2011) ıelengen.