Aqtóbelik fýtbolshylar ekinshi oqý-jattyǵý jıynyn Túrkııada ótkizedi
ALMATY. 2 qańtar. QazAqparat - Bıyl bas bapkerin ózgertken «Aqtóbe» fýtbol klýby 17-28 jeltoqsan kúnderi alǵashqy oqý-jattyǵý jıynyn ótkizdi.
Onda komanda sapyna 1+2 shartymen jańa oıynshy Abylaıhan Mahambetov qosyldy. Osyndaı mártebege 2007 jyly ıe bolǵan qorǵaýshy Petr Badlomen kelisimshart merzimi taǵy bir jylǵa uzartyldy. Al qaqpashy Andreı Sımdelnıkov, jartylaı qorǵaýshylar Marat Haırýlın men Sergeı Kovalchýk eki jyldyq, qorǵaýshy ıÝrıı Logvınenko úsh jyldyq merzimderge jańa kelisimsharttar jasasty. Sondaı-aq shabýylshy Aleksandr Geınırıhtiń arendasy 2013 jyldyń aıaǵyna deıin uzartyldy.
Vladımır Nıkıtenko jattyqtyratyn aqtóbelikterdiń kelesi jıyny 7 qańtarda Túrkııada jalǵasady. Bıyl Premer-lıgadaǵy el chempıonatynda qola júldeni qanaǵat tutqan olardyń jańa maýsymǵa ázirlik kezindegi alǵashqy sheteldik oqý-jattyǵý jıyny Antalııada ótpek.
