Aqtóbelik fýtbolshylar Chernogorııa chempıonatynyń úzdik úshtigine kiretin
ALMATY. 6 aqpan. QazAqparat /Erlik Erjanuly/ - Túrkııada oqý-jattyǵý jıynyn ótkizip jatqan "Aqtóbe" keshe Chernogorııanyń Plevlıa qalasynyń "Rýdar" komandasymen joldastyq kezdesý ótkizdi.
2010/2011 jylǵy maýsymda el chempıony, al bıylǵi maýsymda úzdik úshtiktiń qatarynda kele jatqan plevlıalyqtar aqtóbelikterdiń qaqpasynan sańylaý taba almady. Kezdesýdiń ekinshi jartysynda ıÝrıı Logvınenko ashqan esep, oıynnyń sońyna deıin ózgerýsiz qaldy.
29 qańtarda bastalǵan bul jıyn 12 aqpanǵa deıin sozylmaq. Onda aqtóbelikter 3 aqpanda Reseıdiń Birinshi lıgasynda óner kórsetetin Vladıvostoktyń "Lých" komandasymen 2:2 esebimen teń túsken edi. Endi 8 aqpanda Birinshi lıgadaǵy taǵy bir reseılik klýbpen kúsh synaspaq. Ol Voronejdiń "Fakeli"bolǵaly otyr. Odan keıin 11 aqpanda Horvatııanyń Splıt qalasynyń "Radnıchkı" komandasymen bolatyn kezdesýmen bul jıyndy aıaqtamaqshy.
