Aqtóbelik eriktiler kópbalaly otbasyna úı salyp jatyr

AQTÓBE. QazAqparat - Aqtóbede «Volonter-2020» eriktiler toby Ramazan aıynda kópbalaly otbasyna úı salýdy qolǵa aldy, dep habarlaıdy QazAqparat tilshisi.

«Volonter-2020» eriktiler tobynda 60-tan astam adam bar. Olardyń qatarynda qarapaıym stýdenttermen qatar jumysshy jastar da júr. Volonterler bir aıdyń ishinde kópbalaly otbasyna arnalǵan úıdiń irgetasyn quıyp, qabyrǵasyn turǵyzýdy josparlap otyr.

«Kópbalaly otbasy ótinish aıtyp, bizge habarlasty. Olar saıajaı aýmaǵynan birneshe jyl buryn bir bólme salyp alǵan. Biraq qujattary da rettelmegen eken. Otaǵasy jaldamaly jumysshy, áıeli bala kútimimen úıinde. Tórt balany tárbıelep otyr. Bir qıyny, óte jupyny turady. Іsherge asy, kıerge kıimi joq. Sol kórinisti kórip, biz kómektesýdi uıǵardyq. Áleýmettik jelidegi paraqshamyz arqyly aqtóbelikterdi qaıyrymdy iske qolushyn sozýǵa shaqyrdyq. Túsken qarjyǵa qum, tsement, tas jetkizip, alǵashqy qadamdy bastap kettik. Biz kóptiń kómegimen bir aıda úı salyp berýdi josparlap otyrmyz», - dedi velonterler tobynyń tóraǵasy Nurbek Jalǵasbaev.

Aıta keteıik, eriktiler toby elimizdegi tótenshe jaǵdaı kezinde 55 otbasyna azyq-túlik pen 400-ge jýyq betperde taratty.