Aqtóbelik ekologtar balyqtyń neden qyrylǵanyn aıtty
Aqtóbe sý qoımasynda balyq qyrylyp, sýdyń jasyl túske boıalǵany týraly aqparat áleýmettik jelide jarııalandy. Jeli qoldanýshylary óńirdegi ekologııalyq máselelerdi kóterip, shomylý maýsymy kezinde munyń adam densaýlyǵyna asa zııan ekenin eskertti.
Aqtóbe óńirlik kommýnıkatsııalar qyzmeti tekserý júrgizgenin habarlap, sý qoımasyndaǵy balyqtardyń qyrylý sebebin jarııalady. Tekserýdi oblystyq tabıǵı resýrstar jáne tabıǵatty paıdalanýdy retteý basqarmasy, aýmaqtyq orman sharýashylyǵy jáne janýarlar álemi ınspektsııasynyń mamandary jáne ańshylar men balyqshylar qoǵamynyń ókilderi júrgizdi.
«Jasyl baldyrdyń gúldegeni baıqalǵan aýmaqta ortasha salmaǵy 20 gramm bolatyn 40 dana óli taýtan tabyldy. Saraptama júrgizý úshin sý men balyq synamalary ekologııa departamenti men veterınarııalyq zerthanaǵa jiberildi. Aldyn-ala boljam boıynsha, baldyrlar qatty gúldep, balyqqa ottegi jetpeı qalǵan. Naqty sebebi saraptama nátıjesi belgili bolǵanda anyqtalady», - dedi tabıǵı resýrstar jáne tabıǵat paıdalanýdy retteý basqarmasynyń basshysy Nurjan Aqqul.
Aktıýbınskoe vodohranılışe 28.07.2018