Aqtóbelik «dýa qaıtaramyn» degen adamǵa aldynyp qaldy
AQTÓBE. QazAqparat - Aqtóbe oblystyq polıtsııa departamentiniń qyzmetkerleri «dýa qaıtaramyn» dep aldap, qomaqty aqsha jymqyrǵan 35 jastaǵy áıeldi ustady, dep habarlaıdy QazAqparat tilshisi.
Kúdikti jábirlenýshi jumys isteıtin sulýlyq salonyna baryp, ózin jarnamalap, bolashaqty boljaı alatynyn jáne dýa qaıtaratynyn aıtqan. Bótenniń múlkin ıelený úshin balger 40 jastaǵy aqtóbelikke «úıińde dýa bar, ony qaıtarý úshin aqsha kerek» dep eskertip, keıin 400 myń teńgeden asa aqshasyn alyp ketken.
«Aldanǵanyn sezip, polıtsııaǵa qyzmetine júgindi. Qazirgi ýaqytta kúdiktige qatysty Qylmystyq kodekstiń «Alaıaqtyq» boıynsha sotqa deıingi tergeý júrgizilip jatyr. Aqtóbe oblysynyń polıtsııa departamenti kúdiktiniń osyǵan uqsas qylmystarǵa qatysynyń bar-joǵyn tekseredi», - dedi oblystyq PD baspasóz qyzmetiniń jetekshisi Erbolat Sarqulov.
