Aqtóbelik depýtat balalarǵa oıyn alańyn salyp berdi
Aqtóbe qalalyq máslıhattaǵy «Nur Otan» fraktsııasynyń múshesi Ardaq Ótegenov «Týǵan jer» baǵdarlamasyna qoldaý maqsatynda balalarǵa sport alańyn salyp berdi. Bul onyń Abaı̆dyń 175 jyldyǵyna arnaǵan tartýy.
Ol salaýatty ómir saltyn ustanady. Qazir bokstan sport sheberligine úmitker. Qoǵamdyq ómirin sportpen baılanystyryp júrgen azamat onyń tárbıelik mánine de erekshe kóńil bóledi. Komandalyq oıyn balalardy dostyqqa, birlikke baýlıtynyna senimdi.
«Kezinde aýladaǵy balalarmen túrli sporttyq sharalarǵa belsene qatysatynbyz. Qazir baıqasam, jeke úılerde turatyn balalardyń uıymshyldyǵy azaıyp, sporttan alystap ketken. Sondyqtan sport alańyn kópqabatty úılerdiń ortasynan emes, shet jaqtaǵy Táýke han kóshesine salýdy jón kórdik. Qala ákimi, partııanyń qalalyq fılıaly tóraǵasy Ashat Shaharov jer bólip, aýmaqty jaryqtandyryp, qoldaý bildirdi», - dedi depýtat.
Fýtbol jáne basketbol oı̆naýǵa arnalǵan shaǵyn sport alańy bir aıǵa jýyq ýaqytta salynǵan. Qajetti qural-jabdyqtar Almatydan arnaıy tapsyryspen jetkizildi. Munda ár balanyń sportpen aınalysyp, sheberligin shyńdaýǵa múmkindigi bar.⠀
Aıta ketý kerek, Ardaq Ótegenov budan buryn Aqtóbe oblystyq týberkýlezge qarsy dıspanserdiń janyndaǵy provızorlyq ortalyqqa jəne oblystyq klınıkalyq juqpaly aýrýlarǵa qarsy aýrýhanaǵa ottegi kontsentratorlaryn syılaǵan bolatyn.
