Aqtóbelik dárigerler jol-kólik apatynan zardap shekken oqýshynyń jaǵdaıyn aıtty

AQTÓBE. QazAqparat - Jol-kólik apatynda zardap shekken oqýshy qyzǵa buǵananyń synýy dıagnozy qoıyldy. Dárigerler gıps salyp berdi, dep habarlaıdy QazAqparat tilshisi.

Aqtóbe oblysy, Baıǵanın aýdanynyń ortalyǵy Qaraýylkeldi aýylynda bolǵan jol-kólik oqıǵasy kezinde 8 adam dáriger kómegine júgingen. Onyń ekeýi júrgizýshi, bireýi jattyqtyqtyrýshy, ózgesi mektep oqýshylary.

«Jedel aqparatqa súıensek, kólikter aýdandyq aýrýhana mańynda soqtyǵysqan.»Nıva«kóliginde otyrǵan balalar Noǵaıty aýylyna jarysqa bara jatqan. Oqıǵa ornyna jedel járdem shaqyryldy. Bireýi aýrýhanada qalyp, ózgeleri ambýlatorly em alýǵa jiberildi. Balalar 2009, 2010, 2011 jáne 2012 jyldary týǵan. Al jattyqtyrýshy 27 jasta. Bári aman. Bir oqýshy qyz qalaǵa jetkizilip, onyń buǵanasyna gıps salyndy»,- dedi oblystyq densaýlyq saqtaý basqarmasynyń basshysy Rústem Isaev.

Al oblystyq bilim basqarmasynyń basshysy Jaıyq Sultan tergeý júrip jatqanyn habarlady.

«Aýdandyq polıtsııa bólimi anyqtap, tergeý jumystaryn júrgizip jatyr.​ Tolyq aqparatyn sonan soń beremiz»,- dedi. Sonymen birge ata-analarǵa túsindirý jumysy júrgizilgen.

Eske salsaq, Qaraýylkeldi aýylyndaǵy Á. Moldaǵulova kóshesi boıynda «NIVA» men «Lada Prıora» avtokólikteri soqtyǵysty. Saldarynan kólik ishinde bolǵan qyzdyń «buǵanasyna zaqym keldi» degen dıagnoz qoıyldy. Derek aýdandyq polıtsııa bóliminde tirkeldi», - dep habarlady oblystyq PD baspasóz qyzmetiniń jetekshisi Erbolat Sarqulov.