Aqtóbelik dárigerler jol apatynda aman qalǵan 1 jasar balanyń densaýlyǵy týraly aıtty
AQTÓBE. QazAqparat – Aqtóbede jeńil jáne júk kóligi soqtyǵysyp, úsh adam qaza tapty. Taǵy úsh adam túrli dene jaraqatymen aýrýhanaǵa túsip, dárigerler olardyń jaǵdaıy týraly aıtty, dep habarlaıdy QazAqparat tilshisi.
Jeksenbi kúni Aqtóbe K.Nokın dańǵyly men Shernııaz kóshesiniń qıylysynda eki kólik soqtyǵysyp, úsh adam mert boldy. Búgin dárigerler sol jol-kólik apaty kezinde aman qalǵan jolaýshylardyń jaǵdaıyn aıtty.
«1 jasar bala bas-mı jaraqatyn alǵan. Sonymen birge sol jaq ókpesi jaralandy. Sol jaq beti, qulaǵynda da jaraqat bar. Balanyń jaǵdaıy turaqty. Qazir oblystyq balalar aýrýhanasynyń jansaqtaý bóliminde jatyr. Sonymen birge 1959 jyly týǵan áıel de jabyq bas-mı jaraqatyn alǵan. Qabyrǵalary synyp, sol jaq ókpesi zaqymdandy. 1-2 dárejegi trvamatıkalyq shok alǵan. Onyń jaǵdaıy aýyr», - dep habarlady oblystyq densaýlyq saqtaý basqarmasy basshysynyń orynbasary Bekbolat Іzbasarov.
Sonymen birge 1997 jyly týǵan áıel de túrli dene jaraqatymen jedel járdem aýrýhanasynda jatyr. Onyń jaǵdaıy ortasha aýyr.
