Aqtóbelik dárigerler shekara beketindegi qaıǵyly jaǵdaıǵa qatysty túsinik berdi
AQTÓBE. QazAqparat - Aqtóbe oblysy aýmaǵyndaǵy Jaısań shekara beketinde jolaýshy qaza boldy. Áıeldiń ólimine qatysty sot-medıtsınalyq saraptama taǵaıyndaldy, dep habarlaıdy QazAqparat tilshisi.
Aqtóbedegi Jaısań baqylaý-ótkizý beketinde qaılyǵy jaǵdaı tirkelip, ózin nashar sezingen áıel kóz jumdy. Búgin oblystyq densaýlyq saqtaý basqarmasy shekaradaǵy ólimge qatysty túsinikteme berdi. Óńirlik kommýnıkatsııa qyzmeti taratqan málimetke súıensek, aldymen Mártók aýdandyq aýrýhanasyna qońyraý túsken. Al shaqyrýǵa shekaradan 12 shaqyrym qashyqtyqta ornalasqan Jaısań dárigerlik ambýlatorııasynyń mamandary jiberildi. Biraq naýqas dárigerler jetkenshe kóz jumdy.
«Medıtsınalyq mekemeniń dárigeri birden jolǵa shyǵyp, oqıǵa ornyna jetedi. Ókinishke qaraı, dəriger saǵat 6:45-te áıeldiń ólimin tirkedi. Mártók aýdandyq aýrýhanaǵa túsken shaqyrý men dərigerdiń ólimdi anyqtaǵan ýaqyty aralyǵynda 30 mınýt bar. Ólimniń naqty sebebi sot-medıtsınalyq saraptamasynyń qorytyndysynan soń anyqtalatyn bolady», - dedi Aqtóbe oblystyq densaýlyq saqtaý basqarmasy basshysynyń orynbasary Svetlana Esenamanova.
