Aqtóbelik dárigerler óńeshtiń varıkozdy tamyrynan qan ketýdi jańasha emdeı bastady

AQTÓBE. QazAqparat - Alǵash ret Aqtóbe kóp beıindi aýrýhanasynyń dárigerleri tsırrozben aýyratyn patsıentterde óńeshtiń varıkozdy tamyrlarynan qan ketýdi emdeýdiń jańa zamanaýı ádisterin klınıkalyq praktıkaǵa engizdi, dep habarlaıdy QazAqparat.

Bul joǵary tehnologııalyq operatsııa spıraldardy paıdalaný arqyly retrogradtyq transvenozdy oblıteratsııa (Carto-Coil-assisted retrograde transvenous obliteration) dep atalady.

Master-klass elimizge tanymal astanalyq rentgenhırýrg Mýn Evgenıı Vasılevıch pen Aqtóbedegi «KOA» rentgenhırýrgy Muqanov Samat Maqsatulynyń qatysýymen ótti.

Óńeshtiń varıkozdy keńeıgen venalardan qan ketý baýyr tininiń progressıvti fıbrozynan, onyń tini arqyly qan aǵymynyń blogynan jáne portaldyq gıpertenzııa sındromynyń damýynan, kollateraldyq qanaınalym joldary arqyly qan aǵymy jáne óńeshtiń progressıvti keńeıýi, sodan keıin olardyń jarylýy týyndaıtyn tsırrozdyń asqyný tizbeginiń sońǵy býyny bolyp tabylady. Óńeshtiń varıkozdy venalary kompensatsııalanǵan baýyr tsırrozy bar patsıentterdiń 30-40%-ynda jáne dekompensatsııalanǵan 60%-dan astamynda anyqtalady.

Baýyr tsırrozy bar patsıentterde óńeshtiń varıkozdy venalarynan qan ketý jıiligi óte joǵary jáne ólimniń jetekshi sebepteriniń biri bolyp tabylady. Qan ketýdiń birinshi epızodyndaǵy ólim-jitim 20-25% quraıdy, qan ketýdiń ekinshi epızody

Retrogradtyq transvenozdy spıralmen tamyrly oblıteratsııa (CARTO) ınterventsııalyq rentgenologtar paıdalanatyn portaldyq gıpertenzııalyq varıkozdy qan ketýdi emdeýdiń zamanaýı, qaýipsiz jáne tıimdi nusqasy bolyp tabylady. Em-shara keńeıgen tamyrlardy spıraldarmen, arnaıy jelimmen jáne embolııalarmen buǵattaýdy qamtıdy, bul olardyń jarylý qaýpin azaıtady. Operatsııa angıografııalyq qondyrǵyny qoldana otyryp, jergilikti anestezııamen jasalady. Mundaı qymbat operatsııalar medıtsınalyq saqtandyrý júıesiniń qarajaty esebinen patsıentter úshin tegin júrgiziledi.