Aqtóbelik dárigerler oq jaraqatyn alǵan jábirlenýshilerdiń jaǵdaıyn aıtty
AQTÓBE. QazAqparat - Oq jaraqatyn alǵan 20 jáne 19 jastaǵy eki jigittiń jaǵdaıy aýyr, dep habarlaıdy QazAqparat tilshisi.
«Qazir eki naýqas em qabyldap jatyr. Ekeýine de birneshe oq tıgen. Oblys ortalyǵynan ushyp barǵan sanavıatsııa dárigerleriniń kómegimen aýdandyq aýrýhanada ota jasaldy. Eki naýqastyń da jaǵdaıy aýyr, birqalypty. Tergeý jumystaryna baılanysty ózge aqparat taratylmaıdy», - dep habarlady oblystyq densaýlyq saqtaý basqarmasynyń baspasóz qyzmeti.
Aıta keteıik, buǵan deıin kólikpen júrip, adamdarǵa oq jaýdyrǵan 21 jastaǵy aýdan turǵyny ustalǵanyn habarlaǵan bolatynbyz. Bul oqıǵaǵa qatysty «Adam óltirý» babymen qylmystyq is qozǵaldy.
