Aqtóbelik dárigerler qys aılarynda shańǵy tebýdi úrdiske aınaldyrdy
Táýelsizdik kúni Aqtóbede «Dárigerler shańǵy jolynda!» atty aktsııa ótti. Dárigerlerge balalar jáne jasóspirimder sport mektebiniń tárbıelenýshileri qosylyp, qala turǵyndaryn salaýatty ómir saltyn ustanýǵa shaqyrdy. Jazda fýtbol oınap, sportty qoldaıtyn aq halattylar qys aılarynda saıabaqta shańǵy tebedi. Belsendiler qural-jabdyqtyń bárin aldyn ala satyp alǵan. 
«Aldyna kelgen naýqasty emdeıtin dáriger kópke úlgi bolýy kerek. Sondyqtan biz Densaýlyq saıabaǵyna baryp, únemi dene jattyǵýyn jasaý, shańǵy tebý, skandınavııalyq júristiń úlgisin kórsetemiz. Kez kelgen qala turǵyny bizdiń qatarymyzǵa qosylyp, dárigerlerden keńes ala alady. Aqtóbe medıtsınalyq ortalyǵynyń ujymy da sol qatardan tabyldy. Bizdiń ujymdaǵy dárigerler men meddıtsına qyzmetkerleri belsendi, keıbiri ózine unaǵan soń shańǵy tebýge qajetti quraldardy satyp aldy»,- dedi Aqtóbe medıtsınalyq ortalyǵynyń bas dárigeri
Aıta keteıik, aqtóbelik dárigerler qysta shańǵy tebýdi úrdiske aınaldyrdy. Ár ujym jumys ýaqytynan tys ýaqytta birlesip qysqy sport túrlerimen aınalysady. Al jazda fýtbol, voleıbol oınap, shahmat, doıby, ústel tennısten jarysqa túsedi. Kúz ben kóktemde densaýlyqqa asa paıdaly skandınavııalyq júris jolyna shyǵady. 
