Aqtóbelik dárigerler kólik qaǵyp, aýrýhanaǵa túsken oqýshynyń jaǵdaıyn málim etti
AQTÓBE. QazAqparat – Aqtóbede kólik qaǵyp ketken 5-synyp oqýshysynyń aıaǵyna ota jasaldy, dep habarlaıdy QazAqparat tilshisi.
Buǵan deıin habarlaǵanymyzdaı, Aqtóbe qalasynyń Bersıev kóshesimen kele jatqan «Hendaı Matrıks» kóliginiń júrgizýshisi mektep oqýshysyn qaǵyp ketti. Oblystyq polıtsııa departamentiniń baspasóz qyzmetiniń habarlaýynsha, oqýshy balalar aýrýhanasyna jetkizilgen.
«Aıaq súıegine plastına salyndy. Qazir balanyń jaǵdaıy ortasha aýyr, ota sátti shyqty. Otany medıtsına ǵylymdarynyń dotsenti J.Baýbekov jasady. Kúndelikti jarasyn tańyp beredi, dáriger baqylaýyna alyndy», - dep habarlady oblystyq densaýlyq saqtaý basqarmasynyń baspasóz qyzmeti.
Oblystyq polıtsııa departamenti usynǵan statıstıkalyq málimetke súıensek, jyl basynan beri Aqtóbe oblysynda 500-den astam jol-kólik oqıǵasy tirkeldi. Jol apaty kezinde 64 adam kóz jumyp, 700-den astamy túrli dene jaraqatyn aldy.
Aldyn alý sharalary kezinde kólikti mas kúıinde aıdaǵan 1700-den astam júrgizýshi ustalsa, 11 myńnan astam jaıaý júrginshi álkimshilik jaýapkershilikke tartyldy. Jaıaý adamdarǵa júrginshiler jolaǵynda jol bermegen 2587 kólik júrgizýshisi de jazalandy.
