Aqtóbelik dárigerler esinen tanyp qalǵan jumysshynyń jaǵdaıyn aıtty
AQTÓBE. QazAqparat - Aqtóbede «SNPS-Aqtóbemunaıgaz» AQ bir jumysshysy qaza bolyp, bireýi aýrýhanada em qabyldap jatyr. 46 jastaǵy jumysshy esin jıdy, dep habarlaıdy QazAqparat tilshisi.
Keshe keshkilik ken ornyndaǵy sorǵynyń jumysyn qarap júrgen eki slesardyń biri qaza bolyp, biri aýrýhanaǵa tústi. Buǵan deıin habarlaǵanymyzdaı, tehnıkalyq sý aıdaıtyn sorǵydan gaz bólingen. Qazirgi ýaqytta Keńqııaq aýyldyq aýrýhanasynda em qabyldap jatqan naýqasqa aýdan ortalyǵynan reanımatolog dáriger jiberildi. Aqtóbe oblystyq óńirlik kommýnıkatsııalar qyzmeti dárigerdiń baqylaýyndaǵy syrqattyń jaǵdaıyn habarlady.
«Zardap shekken azamatqa jedel medıtsınalyq kómek kórsetý úshin Keńkııaq aýyldyq aýrýhanasyna Temir aýdanynan reanımatolog dáriger jiberildi. Naýqas esin jıdy, jaǵdaıy ortasha. Barlyq suraqtarǵa jaýap bere alady. Onyń densaýlyǵy únemi baqylaýda bolady» - dedi Temir aýdandyq aýrýhananyń bas dárigeri Esentemir Demegenov.
