Aqtóbelik boıjetken úıinde otyryp óz tańdaýyn jasady

AQTÓBE. QazAqparat – Aqtóbelik jas Aısulý Sultanova úıde otyryp, daýys berýdi uıǵardy. Ol el damýy úshin azamattar da ózine jaýapkershilik alýy kerek dep esepteıdi, dep habarlaıdy QazAqparat tilshisi.

Múgedektigi bar Aısulý Sultanova 18 jasqa tolyp, saılaýǵa alǵash ret qatysyp otyr.

Ol erkin qozǵala almaıtyn bolǵan soń úıde otyryp, daýys berýdi jón kórdi. Sóıtip saılaý ýchaskesine ótinishin bildirip, komıssııa músheleriniń kelýin kútti.

Bul kez kelgen adamnyń mindeti dep esepteıdi. Bolashaqtaǵy josparymen de bólisip, óz oıyn jetkizdi.

«Men úshin búgin umytylmas kún boldy. Ózim tolqyp otyrmyn. Alǵash ret daýys berdim, tańdaýymdy úıde otyryp jasadym. Árbir adam daýys berýi kerek, tipti mindetti dep aıtsam bolady. ıAǵnı, ár adam elimizdiń azamaty, demek tańdaý bar kezde saılaýda óz quqyǵymyzdy paıdalanýymyz kerek. Ózim IT salasyna qyzyǵamyn. Osy salany tereń meńgerip, elimniń damýyna úles qosqym keledi», - dedi Aısulý Sultanova.

Aıta keteıik, Dımash Qudaıbergenniń alǵashqy ustazy Klara Qajyǵalıeva da óz tańdaýyn jasady.

Jalpy Aqtóbede 517 saılaý ýchaskesi bar. Oblysta 560 myńnan astam adam daýys berýge quqyly.