Aqtóbelik boıjetken telefonynyń janýy saldarynan denesiniń jartysyn kúıdirip aldy
ASTANA. QazAqparat - Uıaly telefonynyń jarylýynan 28 jastaǵy Aqtóbe turǵyny zardap shekti. Qýattandyrǵyshta turǵan uıaly telefon qyz uıyqtap jatqanda jaryldy, dep habarlaıdy «Dıapazon» «Jedel-járdem» stansasyna silteme jasap. Oqıǵa 17-nen 18 jeltoqsanǵa qaraǵan túni oryn aldy. Zardap shegýshi denesiniń 60 %-yn kúıik shalǵan.
«Saǵat 2:56-da qońyraý túsip, 3:02-de «Jedel járdem» brıgadasy aıtylǵan mekenjaıǵa jetti. «Jedel járdemdi» kórshiler shaqyrǵan. Órt bolǵan jerden bizdiń qyzmetkerler 1988 jyly týǵan qyzdy JMKA-ǵa jetkizdi. Denesiniń 60 %-y kúıgen. Qoly, aıaǵy, betin 2 jáne 3 dárejedegi kúıik shaldy», - dedi «Jedel járdem» stansasy bas dárigeriniń emdeý isi boıynsha orynbasary Dastan Netalıeva.
Derek boıynsha, uıaly telefon (markasy anyqtalmaǵan) qýattandyrǵyshta tyǵýly turǵan. Qyz uıyqtap jatqanda, telefon janǵan. 103 dárigerleri olardyń tájirıbesinde buryn-sońdy mundaı jaǵdaı oryn almaǵanyn atap ótti.
