Aqtóbelik bilim bólimi mektep pen muǵalimge syı jasaǵandar jazasyz qalmaıtynyn eskertti
AQTÓBE. QazAqparat - Aqtóbe qalalyq bilim bólimi mektep pen muǵalimge syı jasaý deregi tirkelse, jaza qoldanady, dep habarlaıdy QazAqparat tilshisi.
Elimizde kelesi aptada sońǵy qońyraý soǵylady. Aqtóbe qalasy boıynsha bıyl 2688 oqýshy mektep bitirýi tıis. Olardyń 2479-y ulttyq biryńǵaı test tapsyrsa, ózgeleri mektep attestatymen orta arnaýly oqý oryndaryna qujat tapsyrýdy jón sanap otyr. Mekteptegi emtıhan 29 mamyr men 9 maýsym aralyǵynda ótedi. Attestat alý úshin túlekter bes pánnen emtıhan tapsyrady. Ana tili, Qazaqstan tarıhy, matematıka men ekinshi til. ıAǵnı, qazaq mektebiniń túlekteri orys tiliniń, al oryssha bilim alǵandar qazaq tiliniń synaǵynan ótedi. Besinshi pándi oqýshynyń ózi tańdaıdy. Bári sátti ótse, 10-12 maýsym aralyǵynda túlekter attestat alyp, mekteppen qoshtasady.
«Qalada UBT úsh jerde ótedi. Oqýshylar ázirlikti pysyqtap jatyr. Olar osy jyldyń ózgeristeri men jańa formatqa daıyn. Aldymen mektepte emtıhan tapsyryp, keıin joǵarǵy oqý ornyna túsý synaǵynan ótedi. Mektep bitirý keshine bilim ordasy jaýapty emes. ıAǵnı, túlek 12 maýsymda attestat alyp, mektepten shyqqan soń kóńildi kesh uıymdastyrsa, oǵan ata-anasy men túlektiń ózi ǵana jaýapty. Jyl saıyn aıtylatyn, eskertý jasalatyn taǵy bir jaıt bar. Túlekter aqsha jınap, mektepke, muǵalimge syı jasamaýy tıis», - dedi qalalyq bilim bóliminiń sektor meńgerýshisi Gúlnaz Myrzaǵalıeva.
Aıta keteıik, eger Aqtóbe qalalyq bilim bólimi syı jasaý deregin anyqtasa, jazaǵa tartamyz dep otyr. Basshylar jazanyń túri men naqty kimderdiń jazalanatynyn ashyq aıtqan joq.
