Aqtóbelik balasynyń emine jınaǵan 1,5 mln teńgesin urlatyp aldy
AQTÓBE. QazAqparat – Aqtóbeniń temirjol vokzalynda kólik ishinen 1,5 mıllıon teńge urlandy, dep habarlaıdy QazAqparat tilshisi.
Aqtóbelik temirjol vokzalyna bılet alýǵa baryp, kóligindegi 1,5 mıllıon teńgesin urlatyp aldy. Ol kólikten túsip, qulyptap, bes qadam jasaǵan. Sol kezde kóliginiń ashylyp ketkenin baıqap, keri burylǵan. Qaıta qulyptap, vokzalǵa kirdi.
«Bılet taba almaǵan soń biz balamyzdyń shuǵyl emi týraly anyqtamany kassaǵa kórsettik. Sol kezde eki aıdan beri bılet joq ekeni, kómek kórsete almaıtyny týraly aıtty. Kóp degende 10 mınýtta qaıta shyǵyp, ushaqqa bılet alýdy josparladyq. Aqsha kólik ishinde bolǵan soń jubaıyma aldyńǵa jaqta ornalasqan qoraptan alýyn suradym. Ol ashty, aqshany tappadym. Birden polıtsııaǵa habar berdim», - dedi qala turǵyny Syrym Kóbekov.
4 jastan asqan Sanjar Syrymuly tamyz aıynda Nur-Sultan qalasyna emge barýy tıis edi. Kvota arqyly em tegin jasalǵanymen, ońaltý jumystary aqyly bolmaq. Otbasy balasy úshin kóligin satyp, qarjy jınaǵan.
«Tórt balanyń anasymyn, muǵalim bolyp jumys isteımin. Balamyzdan aýtızm anyqtalyp, emge barmaq edik. Biraq qarjymyzdy urlap ketti. Polıtsııa izdeý jumystaryn tym baıaý júrgizip jatyr», - dedi Baqshagúl Ermaǵambetova.
Aıta keteıik, osy is boıynsha Qylmystyq kodekstiń «Urlyq» babymen is qozǵaldy.
