Aqtóbelik balalarynyń kóz aldynda áıelin pyshaqtap tastady
AQTÓBE. QazAqparat - Aqtóbelik kelinshek Aısulý Aıkıevany burynǵy kúıeýi pyshaqtap tastady, dep habarlaıdy QazAqparat tilshisi.
Aısulý Aıkıevanyń pyshaqtalǵany týraly aqparatty polıtsııaǵa temirjol aýrýhanasy berdi. Aqtóbe qalasyndaǵy «Elevator-1 Vesna» baý-baqsha ujymynda turatyn Aısulý Aıkıeva birden aýrýhananyń hırýrgııa bólimine jatqyzylǵan.
«Oqıǵa boıynsha temirjol aýrýhanasyna Elek polıtsııa bóliminiń qyzmetkerleri bardy. Polıtsııa oqıǵa ornyna baryp, jábirlenýshiden aryz qabyldady jáne aıǵaq zattardy tirkedi. Sot-medıtsınalyq saraptama taǵaıyndaldy»,- dedi Aqtóbe oblystyq jergilikti polıtsııa qyzmetiniń baspasóz qyzmeti.
Aıta keteıik, bul otbasynda eki bala bar. Olardyń úlkeni 13, kishkentaıy 6 jasta. Ul men qyz baǵyp otyrǵan otbasy 14 jyl boıy birge turyp, keıin ajyrasyp ketken. Erli-zaıyptynyń bólek turǵanyna eki jyl bolyp, qaıta qosylýǵa sheshim qabyldaǵan. Biraq aradaǵy urys-tóbeles azaımaı, A.Aıkıevanyń kúıeýi pyshaq ala júgirdi. Ózin qorǵaǵan kelinshektiń sol jaq qoly jaraqattaǵan. Al kúıeýine ákimshilik hattama toltyryp, úsh kúnge abaqtyǵa qamaldy.
