Aqtóbelik azamat ıslam dinin taratýshy Dosjan ıshannyń mórine 1 mln teńge surap otyr
AQTÓBE. QazAqparat - Aqtóbeniń Temir aýdanynda Batys Qazaqstanǵa ıslam dinin taratýǵa bar ómirin arnaǵan Dosjan ıshannyń móri bar. Jergilikti turǵyn mórdiń qunyn 1 mıllıon teńgege baǵalap otyr, dep habarlaıdy QazAqparat tilshisi.
Aqtóbe oblysy, Temir aýdanyndaǵy murajaıda 3 myńnan astam jádiger bar. Eń qundysy - qazaq-qalmaq soǵysyndaǵy naıza men jebeniń ushy. HVІІІ ǵasyrǵa tán jádiger qazir murajaıda saqtaýly tur.
«Kishi júzdiń qazaqtary men Edil qalmaqtary arasyndaǵy soǵys kezinde 25 myń qazaq 30 myń qalmaqqa qarsy turǵan.Temir aýdanynyń Qalmaqqyrǵan men Keńestý aýyldary mańyna jasalǵan arheologııalyq zertteý kezinde tabylǵan naıza men jebeniń ushy bizde saqtaýly tur»,- dedi Temir aýdandyq mýzeıiniń kishi ǵylymı qyzmetkeri Nurbol Qýanbaev. Sonymen qatar, Nurlan Jaqybaev pen E.Sálıev sekildi temir men teriden ulttyq buıymdar jasaıtyn jergilikti sheberdiń týyndylary mýzeıge qoıylǵan. Murajaı jádigerleri kóbine adamdardyń qolyndaǵy tarıhı zattarmen tolyǵyp otyrady.
«Kóbine HH ǵasyrda jasalǵan zattar syıǵa beriledi. Keıde oblystyq mádenıet basqarmasy arnaıy qarjy bólip, mýzeıge qundy zattardy satyp alamyz. Biz Dosjan ıshannyń mórine qol jetkize almaı júrmiz. Bir turǵyn Dosjan ıshannyń ákesi Qashaqtyń aǵashtan jasalǵan mórin ózinde ustap otyr. Túpnusqany eshkimge berer emes. Baǵasyn 1 mıllıon teńgege baǵalady. Bul qymbat»,- dedi Nurbol Qýanbaev.
Aıta keteıik, Dosjan ıshan elimizdiń batys óńirinde ıslam dinin taratyp, damytqan aǵartýshy. Derekterge súıensek, HІH ǵasynda Abaıdyń ákesi Qunanbaımen birge qajylyqqa barǵan. Keıin eki meshit salǵyzǵan.
