Aqtóbelik áıel «Mega Aqtóbe» saýda ortalyǵyna bomba qoıylǵandyǵy týraly jalǵan habary úshin úsh jylǵa sottaldy
AQTÓBE. 22 maýsym. QazAqparat - Aqtóbe sotynda 2013 jyldyń 22 aqpanynda polıtsııaǵa «Mega Aqtóbe» saýda, oıyn-saýyq ortalyǵyna jarylǵysh zat qoıylǵandyǵy týraly jalǵan habar bergen aqtóbelik áıelge qatysty úkim shyǵaryldy.
Áıel dostarymen birge spırttik ishimdikter iship, keshke qaraı óz uıaly telefonynan polıtsııaǵa qoıylǵan jarylǵysh zat týraly habarlaǵan.
Oqıǵa ornyna barlyq shuǵyl qyzmetter tartyldy, ǵımarat aýmaǵy qorshalyp, adamdar qaýipsiz jerge shyǵaryldy. Jumystardyń nátıjesinde bomba tabylǵan joq.
Sot aqtóbelik áıeldi QR QK 242-baby («daıyndalyp jatqan terrorıstik akt týraly qasaqana jalǵan habarlaý») boıynsha aıypty dep tanydy. Sot úkimimen oǵan jazasyn jalpy rejimdegi túzeý kolonııasynda óteýmen 3 jyl merzimge bas bostandyqtan aıyrý jazasy taǵaıyndaldy.
