Aqtóbelik aıaqdopshylar Kapar qalasynan kelgen qurdastarynan emtıhan alady
ALMATY. 11 shilde. QazAqparat - Búgin Aqtóbede jergilikti «Aqtóbe» fýtbol klýby Armenııanyń Kapan qalasynan kelgen «Gandzasar» aıaqdopshylarymen Eýropa lıgasynyń dárejelik raýndyndaǵy qarymta kezdesýin ótkizedi.
Buǵan deıin syrt alańda ótken alǵashqy kezdesýde Vladımır Nıkıtenko tizginin ustaǵan qazaqstandyqtar 2:1 esebimen basym túsip, elge jeńiske oralǵan bolatyn. Qazirgi tańda el chempıonatynda 18-shi týrdan keıin 48 upaımen kósh bastap kele jatqan «Aqtóbe» Eýropa lıgasynda buǵan deıingi maýsymdarynda sátti oıyn órnegimen kózge túsken bolatyn.
Kapandyqtardyń «Qazynaly taý» degen maǵynany bildiretin bul komandasynyń negizi 1963 jyly qalanǵan bolatyn. Óz tarıhynda olar 2 ret (1989, 1991) el chempıony, 2 ret (2008, 2011) qola júldeger jáne 1 ret (1963) el kýbogynyń ıegeri atandy. Sevada Arzýmanıan baptaıtyn «Gandzasar» Eýropa lıgasynda buǵan deıin 2009, 2012 jyldary óner kórsetken bolatyn. Alǵashqy jyly 2-shi dárejelik raýndta «NAK Breda» komandasynan 0:6, 0:2 esebimen oısyraı jeńilgen bolatyn. Byltyr 1-shi raýndta «EB/Streımýr» komandasyna alǵashqy oıynda 1:3 bolyp utylyp, qarymta kezdesýde 2:0 esebimen basym túsken edi.
