Aqtóbelik ata-analar qazaq synybynyń jabylýyna qarsy shyqty
AQTÓBE. QazAqparat - Aqtóbede № 27 mektep-lıtseıdiń 10-synyby jabylyp qalýy múmkin. Ata-analar qarsylyq bildirdi, dep habarlaıdy QazAqparat tilshisi.
Aqtóbe qalasyndaǵy № 27 orta mektep-lıtseıdiń ata-analary oqý jyly bastalǵan kúni ákimdikti jaǵalap júr. Sebebi mektep ákimshiligi 30 tamyzda 10-synyptyń jabylatynyn habarlaǵan.
«Balam mamyr aıynda 10-synypqa qalý úshin arnaıy test tapsyrdy. Barlyǵy 24 oqýshy ótip, osy oqý jylynda bir synyp ashylatyny belgili boldy. Al tamyzdyń 26-synda qaıta jınap, keıbir balalarǵa UBT-dan ótpeıtinin basa aıtqan. Sol kezde kóbi qujattaryn alyp ketti. Al jańa oqý jyly bastalarda, ıaǵnı, 30 tamyzda 10-synyptyń qazaq toby bolmaıtynyn habarlady. Sonda da balalar sabaqqa keldi, biraq bos otyrdy. Búgin bes sabaq bolsa, tek dene shynyqtyrý men ınformatıka ótken, aldyńǵy úsh sabaq muǵalimsiz bos otyrǵan», - deıdi oqýshynyń anasy Raýshan Almahanova.
Mektep ákimshiligi bul máseleni ózderi sheshe almaıtynyn, tek qalalyq bilim bólimi jaýap beretinin jetkizdi.
«Ótken jyly 25 oqýshy 9-synypty bitirdi. «Bilim týraly» Zańǵa sáıkes 20 oqýshydan kem bolmaýy tıis. Bizdegi oqýshylardyń 10-y kolledjge oqýǵa túsip ketti. Nátıjesinde 16 bala qaldy. Bireýi aýdannan kelgen bolatyn. Alty bala basqa mektepke aýysty. Birneshe ret ata-analarǵa eskertý berildi. Biz eshteńe sheshe almaımyz», - deıdi № 27 mektep-lıtseı dırektorynyń mindetin atqarýshy Altyngúl Galeeva.
Al qalalyq bilim bólimi máseleni sheshýge kirisken.
«Ereje boıynsha synypta 25 oqýshydan kem bolmaýy tıis. Sondyqtan 10-synypty ashý múmkin bolmady. Ekonomıkalyq jaǵynan da tıimsiz. Shynyn aıtqanda oqý protsesi júrip jatyr. Ol qazaq synybynda qazir 11 oqýshy bar. Másele tolyǵymen sheshiledi. ıAǵnı, ózge bilim ordalarynan oqýshylardy sol mektepke aýystyramyz», - dedi qalalyq bilim bóliminiń basshysy Saıan Súleımenov.
