Aqtóbelik áskerıler jetim balalarǵa kómek kórsetti
AQTÓBE. QazAqparat - Aqtóbede Otan qorǵaýshylar kúnine arnalǵan mádenı shara ótti. Áskerı qyzmetkerler ata-ananyń qamqorlyǵynsyz qalǵan balalarǵa Turǵyn úı qurylys jınaq bankinen esepshot ashyp berdi, dep habarlaıdy QazAqparat tilshisi.
Aqtóbedegi Óner ortalyǵynda Otan qorǵaýshylarǵa arnalǵan «El aıbyny» atty sharasy ótti. Sharaǵa oblys ákimi Ońdasyn Orazalın qatysyp, áskerı qyzmetkerlerdi quttyqtady.
«Búgingi meıram - batyr babalardyń dańqty jolmen Otanǵa adal qyzmet etý dástúrin jalǵaıtyn mereke. Bul kún - beıbit eldiń tynyshtyǵyn áýede, qurlyqta, teńizde qorǵap, óz taǵdyryn el taǵdyrymen baılanystyryp júrgen árbir ásker qyzmetker úshin erekshe kún. Osydan 27 jyl buryn Elbasynyń Jarlyǵymen respýblıkamyzdyń Qarýly kúshteri quryldy. Tuńǵysh Prezıdenttiń «táýelsizdikke qol jetkizgennen góri ony ustap turý qıyn» degen sózi bar. Egemendik alǵan tusta basty baǵyttyń biri elimizdi qorǵaıtyn, shekaramyzdy ustaıtyn óz áskerimizdi qurý boldy. Búginde Qazaqstan áskeri memleketimizdiń táýelsizdigi men tynyshtyǵynyń kepili. Qazirgi kezde Qazaqstan qarýly kúshteriniń qatarynda qyzmet etý árbir qazaqstandyqtyń qurmetti mindetine aınaldy. Aqtóbelikter de óz úlesin qosyp júr. Jyl saıyn 2 myńnan astam azamat Otan aldyndaǵy boryshyn óteýge barady», - dedi óńir basshysy.
Búgin eli úshin adal qyzmet atqaryp júrgen 30238 áskeri bóliminiń komandıri Rýslan Ótepov, 30238 áskeri bóliminiń komandıri Aqdáýlet Kendeǵojın, T.Bıgeldınov atyndaǵy Áýe qorǵanys kúshteri áskerı ınstıtýtynyń polkovnıgi Álim Ibraev, Aqtóbe oblysy Qorǵanys isteri jónindegi departament bastyǵy Seıitkerim Arapbaev, Aqtóbe qalasy áskerı gospıtaliniń qoıma bastyǵy Bolat Sabyr, Aqtóbe garnızonynyń áskerı polıtsııasy bólimi áskerı polıtsııa bólimshesiniń gaýptvahta bastyǵy Nurbol Qalabaev, 6655 áskerı bóliminiń komandıri Mıras Týrdalın, 2030 áskerı bólimi bastyǵynyń orynbasary Bekıslam Abeýov, QR QM «Áskerı - tehnıkalyq mektebiniń» oqý jumysy boıynsha dırektordyń orynbasary Saıat Ermaǵambetov marapattaldy.
Aıta keteıik, áskerı qyzmetkerler ata-ananyń qamqorlyǵynsyz qalǵan 5 balany óz qamqorlyǵyna alyp, Turǵyn úı qurylys jınaq bankinen esepshot ashty. Aldaǵy ýaqytta balalardyń esepshotyna júıeli túrde qarjy salyp otyratyn bolady. Olar: №42 orta mektetiń 7 synyp oqýshysy Sherhan ıÝdıntsev, osy mekteptiń 8 synyp oqýshysy Karına ıÝdıntseva, Novyı orta mektebiniń 11 synyp oqýshysy Arman Saǵymbaev, №6 orta mekteptiń 5 synyp oqýshysy Imanǵazy Abramovıch, №14 orta mektep oqýshysy Kırıll Mıller. 
