Aqtóbelik artıllerııalyq snarıad taýyp alyp, polıtsııaǵa tapsyrdy
AQTÓBE. QazAqparat - Aqtóbelik 8 artıllerııalyq snarıad taýyp alyp, polıtsııaǵa tapsyrdy, dep habarlaıdy QazAqparat tilshisi.
Aqtóbe oblysynda qarý satyp alý aktsııasy jalǵasyp jatyr. Oblys turǵyndary atasynan qalǵan ańshy myltyǵy men taýyp alǵan qarý-jaraqtaryn syıaqy úshin ótkizdi.
«Polıtsııa bólimine Temir aýdanynyń 46 jastaǵy turǵyny habarlasyp, ol 8 dana artıllerııalyq snarıadty tapsyrdy. Er adamnyń aıtýynsha, snarıadty balyq aýlaýǵa barǵan kezde taýyp alǵan. Qazirgi ýaqytta artıllerııalyq jarylǵysh zat saraptamaǵa jiberildi. Oblystyq polıtsııa departamenti zańsyz saqtalǵan qarý men oq-dárilerdi óz erkimen tapsyrǵan adamdar qylmystyq jáne ákimshilik jaýapqa tartylmaıtynyn taǵy eske salady», - dedi oblystyq PD baspasóz qyzmetiniń jetekshisi Erbolat Sarqulov.
