Aqtóbelik ana 5 jasar qyzyna menıngıt juqtyrdy
AQTÓBE. QazAqparat - Aqtóbede 5 jastaǵy qyzdan menıngıt anyqtaldy. Búgin qoǵamdyq densaýlyq saqtaý departamenti dıagnozdy rastady, dep habarlaıdy QazAqparat tilshisi.
Aqtóbede menıngokok ınfektsııasy anadan balaǵa juqqanymen, qazir tek 5 jastaǵy qyz emdelip jatyr. Al anasynyń aǵzasynan eshqandaı ınfektsııa tabylmady.
Aqtóbe oblystyq qoǵamdyq densaýlyq saqtaý departamentiniń baspasóz qyzmetiniń habarlaýynsha, balabaqsha, úı ishi men qarym-qatynasta bolǵan adamdardy teksere kele búgin, saǵat 12:00-de dıagnozdyń rastalǵanyn habarlady. Zerthanalyq tekserý boıynsha dáleldengen naýqas qazir juqpaly aýrýǵa qarsy dıspanserde em qabyldap jatyr.
