Aqtóbelik 74 jastaǵy ájeı kásibı sportta jetistikke jetti
AQTÓBE. QazAqparat – Valentına Ýsmanova qazir 73 jasta. Ol syrqattanyp qalǵan soń sportty serik etip, óz densaýlyǵyn shyńdap júr, dep habarlaıdy QazAqparat tilshisi.
Aqtóbedegi eń úlken basseınge turaqty baryp, densaýlyǵyn shyńdap júrgen Valentına Ýsmanova kún tártibin zamandastaryna úlgi etti. Uzaq jasaýdyń syry – salaýatty ómir saltyn ustaný.
«Aýyryp qalyp, maǵan ІІ-top múgedektigin taǵaıyndady. Sol kezde dárigerler «bala-shaǵa qyzyǵyn kórip, uzaq ǵumyr keshkińiz kelse, sportpen shuǵyldan, dıeta usta, basseınge bar» dep aıtty. Parkınson dıagnozy uqyptylyqty talap etedi. Sondyqtan ózim biraz jyldan beri jattyǵý jasap, basseınde júzýdi ádetke aınaldyrdym. Tek Aqtóbede emes, ózge qalaǵa barsam da basseınnen qalmaımyn», - deıdi Valentına Ýsmanova.
Ol 7 balany ómirge ákelgen. Qazir ul-qyzdyń balasyn ǵana emes, shóberelerin de baǵyp júr.
«Balalaryma «nemere-shóberege qaraýǵa da densaýlyq kerek, sýdan qaldyrmasańdar ǵana baǵamyn» dedim. Sóıtip 15 jyldan astam ýaqyt boıy basseındi serik etip kelemin. Alǵashynda jan-jaǵyma qarap, adamdardan keńes surap júrdim. Árkim bilgenin aıtady, qolynan kelgenin kórsetedi. Keıin arnaıy jattyqtyrýshynyń bolǵany durys degen sheshimge kelip, ózime jattyqtyrýshy izdedim. Olar bar bilgenin úıretti, men tipti jarystarǵa daıyndady. Sóıtip taıaýda Qyzylordada ardagerler arasynda ótken úshsaıysqa qatystym. Sekirý, júgirý, júzýden ekinshi oryndy ıelendim. Eń kárisi ózim boldym», - dedi Valentına Ýsmanova.
Zeınerker kún saıyn basseınge túskendi jaqsy kóredi. Eki saǵat boıy sýda júrse de sharshaǵanyn sezbeıdi. Ári tańerteń 40 mınýt boıy jattyǵý jasaıdy.
«Áje saǵat 9:00-de keledi. Jattyǵýdy úzdiksiz júrgizedi. Keıde jarys bolyp, jattyǵý keıinge shegeriledi. Sol kezde renjip qalady. Qazir úsh stılde júzedi. Ózim jyldan astam ýaqyttan beri jattyqtyramyn», - dedi jattyqtyrýshy Amanbek Qanybekov.
