Aqtóbelik 60 jasynda Qazaqstannyń tólqujatyn aldy
AQTÓBE. QazAqparat – Aqtóbe oblysy Shalqar aýdanynyń turǵyny 60 jasynda alǵash ret jeke kýáligin rásimdedi, dep habarlaıdy QazAqparat tilshisi.
Shalqar aýdanynyń turǵyny oblystyq polıtsııa departamentine baryp, úsh aı buryn ótinish jazdy. Ábýmálik Omarov Sovet odaǵy tólqujatyn der kezinde ózgertpeı, 30 jyl boıy jeke kýáliksiz júrgen. Oblystyq PD kóshi-qon polıtsııa qyzmetkerleri qujatyn rásimdep berdi.
«60 jasqa kelgende alǵash ret tólqujatymdy alyp otyrmyn. Qujattardy rásimdeýge kómektesken kóshi-qon polıtsııasy qyzmetkerlerine alǵysym sheksiz», - deıdi Shalqar aýdanynyń turǵyny Ábýmálik Omarov.
«Osy ýaqytqa deıin Sovet odaǵy pasportymen júrgen Ábýmálik Omarovbudan bylaı barlyq memlekettik organdardan qajetti qujattaryn, óziniń konstıtýtsııalyq quqyqtaryn qoldanýyna bolady», - dep atap ótti polıtsııa maıory J. Tájıev.
Aıta keteıik, byltyr azamattyǵy aıqyndalmaǵan, jaramsyz qujattarmen júrgen 20 azamat Qazaqstan Respýblıkasynyń jeke kýáligin aldy.
